الحب‏ > ‏شعر عن الحب‏ > ‏

ابي اسال قبل لا تروح قلبي وين خليتــه

ابي اسال قبل لا تروح قلبي وين خليتــه

إذا ناوى على الروحه وحاسب للغياب أحساب.. 
ابي اسال قبل لا تروح قلبي وين خليتــه


انا مدري من المخطى ولا أقدر ازيد عتــــــاب.. 
عطيتك قلب يا قلبي ياليتك بس داريتـــه


نويت تروح يالغالي ولا أدري وش الاسبـــاب.. 
ونور الشوق في وجهي دخيلك ليه طفيته


خلاص اشوف ماودك تعاتبني عتاب احبـــاب.. 
جرحت القلب في بعدك وقلبي عاد مليتــه


ترى قلبي مثل وردٍ كساه الرمل وصار تراب.. 
ياليتك بس بيدينك هذاك الورد ضميتـــــه


قبل ترحل ابي اسأل دقايق قلبك اللعـــاب.. 
لعبت بعمري يالغالي وغرامي بلحظة انهيته


مدامك بايع العشره وناوي تقفل الابـــواب.. 
ابي أسأل قبل لا تروح قلبي وين وديتــه ..






اكتب تعليقك أو أضف أي حكمة تجول في خاطرك