الحب‏ > ‏شعر عن الحب‏ > ‏

نار الحب من طرف واحد

نار الحب من طرف واحد

ما هو صحيح القلب للقلب شاهد 
لو هو صحيح أصبحت مفتون فيني 
بيني و بينك حب من قلب واحد 
ليته يجيك من الهوى مايجيني 
و ليتك تعرف الشوق لى صار واجد 
و ليتك تعرف أوجاع كثر الحنين 
ما قد شكيت الحر و الجو بارد 
ولا سهرت بليل طول السنين 
ولا مشيت العمر و الحظ قاعد 
ولا تحديت الألم و الونين 
أضحك و انا لجروح الاحباب جاحد 
أداري المكنون عن كل عين 
ما ودي أفرّح على القلب حاسد 
و الا عذابي في عيوني يبين 
شيٍ يهون و شي بالحيل كايد 
ياكود تجريح الخفوق الحزين 
من عانده وقته و قلبه يعاند 
مالت به الدنيا يسار و يمين 
غرني امثال العرب بالشواهد 
يبيك قلبي و احسب انك تبيني






اكتب تعليقك أو أضف أي حكمة تجول في خاطرك